1. Siyakholwa ukuthi Imibhalo eNgcwele yeThestamente elidala lelitsha yaphiwa ngokhuphefumulelwa nguNkulunkulu njalo yiyo kuphela epha umyalo ongcwele wokholo lokwenza kwama Kristu.
2. Siyakholwa ukuthi uNkulunkulu munye kuphela, opheleleyo ngokulunga uMdali, uMgcini, loMbusi wezinto zonke njalo nguye yedwa ofanele ukukhonzwa.
3. Siyakholwa ukuthi kuloButhathu buka Nkulunkulu, uBaba, iNdodana lo Moya oNgcwele, awukho umahluku kusimo sabo, balamandla alinganayo lodumo ulufanayo.
4. Siyakholwa ukuthi kuJesu Kristu kulesimo esiNgcwele lesomuntu ndawonye, ngakhoke unguNkulunkulu impela njalo ungumuntu impela.
5. Siyakholwa ukuthi abazali bethu bokuqala badalwa bengelacala, kodwa ngokungalaleli kwabo balahlekelwa yibungcwele lokujabula, ngakhoke ngenxa yokuwa kwabo umuntu wonke uyisoni esilahlekelweyo, esibekwe obala olakeni luka Thixo.
6. Siyakholwa ukuthi ukuhlupheka lokufa kweNkosi uJesu Kristu kwaletha ukuhlengwa komhlaba wonke ukuze loba engubani othandayo angasindiswa.
7. Siyakholwa ukuthi ukuphendukela kuThixo lokukholwa eNkosini yethu uJesu Kristu lokuzalwa ngokutsha ngu Moya oNgcwele kuyadingeka osindisweni.
8. Siyakholwa ukuthi sithethelelwa ngomusa ngokholo eNkosini yethu uJesu Kristu njalo lokuthi okholwayo ulobufakazi ngokwakhe.
9. Siyakholwa ukuthi singaqhubeka sisindisiwe oluba samana siqhubeka ngokholo olulalela uKristu.
10. Siyakholwa ukuthi kulilungelo labakholwayo ukuba babengcwele njalo lokuba imiphefumulo yabo lemizimba yabo igcinakale ingelacala ekufikeni kweNkosi yethu uJesu Kristu.
11. Siyakholwa ukuthi umphefumulo kawufi lokuba umzimba uzavuswa kwabafileyo lokugwetshwa kwabantu bonke ekucineni komhlaba lokujabula okunaphakade kwabalungileyo lokujeziswa okunaphakade kwezoni.
